കേരള ശാസ്ത്രസാഹിത്യ പരിഷത്ത് ലൂക്ക സയൻസ് പോർട്ടലിന്റെ നേതൃത്വത്തിൽ അസ്ട്രോ ഫോട്ടോഗ്രാഫി ശിൽപശാല കൊല്ലങ്കോട് കുടിലിടത്തിൽ ഡിസംബർ 16, 17 തിയ്യതികളിൽ സംഘടിപ്പിച്ചു. ക്യാമറ/മൊബൈൽ ക്യാമറ ഉപയോഗിച്ചുകൊണ്ട് സൂര്യൻ , ചന്ദ്രൻ, ഗ്രഹങ്ങൾ താരാപഥങ്ങൾ, ധൂമകേതുക്കൾ, ഉൽക്കാവർഷങ്ങൾ, അതി വിദൂര ആകാശവസ്തുക്കൾ തുടങ്ങി ആകാശ വിസ്മയങ്ങളുടെ ഫോട്ടോകൾ എടുക്കുന്നതിനും പ്രോസസ് ചെയ്യുന്നതിനുമുള്ള പരിശീലനമാണ് ശിൽപശാലയിൽ നൽകിയത്. രണ്ടു ദിവസങ്ങളിലായി നടക്കുന്ന ശില്പശാലയിൽ സംസ്ഥാനത്തിന്റെ വിവിധ ഭാഗങ്ങളിൽ നിന്നുള്ള 32 പേർ പങ്കെടുത്തു. ഡോ.സുരേഷ്കുട്ടി അധ്യക്ഷ വഹിച്ചു. ലൂക്ക എഡിറ്റർ റിസ്വാൻ, ഡോ.എൻ.ഷാജി, ഡോ.നിജോ വർഗ്ഗീസ്, ഡോ, മാത്യു ജോർജ്ജ്, രോഹിത്.കെ.എ, അരുൺ മോഹൻ , എൻ സാനു , വിജയകുമാർ ബ്ലാത്തൂർ വിവിധ സെഷനുകളിൽ പരിശീലനം നൽകി.
കെ.വി എസ് കർത്ത , ലില്ലി സി ,പരിഷത്ത് ജില്ലാ സെക്രട്ടറി മനോജ് , സക്കീർ ഹുസൈൻ, സുനിൽ, പ്രതീഷ്, വിപിൻദാസ് , ഷാബു , നികിത എന്നിവർ നേതൃത്വം നൽകി. കൊല്ലങ്കോട് പഞ്ചായത്ത് പ്രസിഡന്റ് സത്യപാൽ സർട്ടിഫിക്കറ്റ് വിതരണം ചെയ്തു.
